Палітзняволеная краіна
Не мае мовы, не мае сцяга.
Што ж застанецца тут? -- Руіны! --
Ад іх не возьмеш надзей працягу.
Палітзняволеная краіна
Зламала думкі, зламала лёсы.
Яна вяроўку народу звіла
І прывязала на сук бярозы.
Палітзняволеная краіна
Жыве ў балоце пакрытым раскай.
Стаў цэнтр Еўропы людзей магілай
І долі вынішчанай, наскай.
Палітзняволеную краіну
Стварыў драпежнік, стварыў дыктатар.
Я ў Беларусі без волі гіну.
Замест краіны -- вулкана кратар.
30.05.2021. Заслаўе
***
© Copyright: Валерий Познякевич, 2021
Свидетельство о публикации №121061403007
Свидетельство о публикации №121061403007
Рецензии