Багьавилиз килигначир,Къубадин
Рик1 акъудна къапар авай базардин,
Заз квайни квай квар къачунай бубади,
Вичи лагьай кьимет гана заргардиз.
Вахтар фена, яд са кьадар авахьна,
Свасвилин квар куьгьне хьана пас кьуна.
А виликан нур амачир, хкахьна,
На лугьуди,пашман тир ам яс кьуна
"Ик1 тадач ам"-жува жував икьрарна,
Михьна за квар секуьл сумбат1 жагъурна.
Мукьвал-мукьвал за и саягъ тикрарна,
За алемдиз зи кварцин нур къалурна.
Рахаз хьана а кварцин нур эх тежез,
Дишегьлидин квез я ихьтин к1валахар,
Гьар камуна Яхулвидиз мугьман жез,
Къеле ганвай кварцел ийиз дамахар?
Ван тахьай гаф хьанач мад зи япариз,
А фитнейрин таъсирдик рик1 т1ар хьана.
Лугьузва за булахдаллай папариз:
-Яхулви туш, жув жуван уст1ар хьана.
Кварцин нур
© Copyright: Тамила Хуршидова Салманова, 2021
Свидетельство о публикации №121060401688
Свидетельство о публикации №121060401688
Рецензии