Кьве чин алаз,имандакай рахарбур,
Хьанач,туш зун,хьунни хъийич куь чlалахъ.
Куьн я иман,дин вуч я чир тахьайбур-
Сиве "гьакь" луз,кьазвай крар тир нагьакь.
И дуьняда жазайракай катиз кlанз,
Акъваздач куьн ришвет-миннет авункай.
Гьикl чlалахъ жен,кьур гуьнагьрин жаваб кьаз,
Кичlезава квез жегьлемдин цlаюнкай?
Кlандач заз куь а дуьнядин женнетар,
И дуьняда уьмуьр гьализ регьят тур!
И дуьняда гьакь кlандай зун къенятдал
Атанава,ина кlанда заз гьузур.
Дуьзенвилив гьалал фу нез жеда зун,
Куь буьгьтанар,шерер закай яргъаз хьуй.
Са нин вилик ятlани кьил агъузун,
Зи хесет туш-вердишбуриз амукьуй.
Жемир ийиз куьн тапаррин диндарвал,
Куьн хьтинбур вилив хуьзвач женнетда.
И дуьняда хьухь амалриз жавабдар-
А дуьнядиз куьн патал за минетда.
02.06.2021 г.
Кьве чин алайбуруз...
© Copyright: Намик Фарзалиев, 2021
Свидетельство о публикации №121060301867
Свидетельство о публикации №121060301867
Рецензии