Перевод на белорусский язык – Пётр Семинский
Пад вэлюмам ружовым між двух светаў,
Нібы замацаваную ў ціскі,
Цягнуў, неспадзяванасцю сагрэты,
Я нітку вабнай далі напрасткі.
Яе я лашчыў позіркам натхнёным.
Бліжэй імкнуўся да яе душой,
Бо быў тады любоўю ап'янёны,
За гарызонта роздумаў шашой.
А акіян бурчаў, палохаў хваляй,
Стагнала неба: «Ты без крылаў жыў!»
І сонца дыск, што ў сіняве блукае,
Зноў нітку скраў, а мрою падарыў.
Мне месяцавы позірк, вельмі дзіўны,
Дарыў прычал, што некуды паплыў.
Мігцеў надзей прамень ад Lady Winner*
Ды яркі блік кахання пад матыў.
__________
* Lady Winner – зорка ў сузор'і Вялікай Мядзведзіцы.
Русская версия этого произведения здесь:
http://stihi.ru/2015/08/19/2055
На прычале
© Copyright: Игорь Субботин Гродно, 2021
Свидетельство о публикации №121052704059
Свидетельство о публикации №121052704059
Рецензии
