Чун патал дат1ана ч1угуна зегьмет,
Уьмуьрдин шегьредал акъудна вуна.
Ам чна гьавайда ракъурдач, гьелбет,
Муаллим, фида чун кьил тикдиз кьуна.
Атана и вахтни,жедай чун чара,
Бейнидай акъатдач камалдин тарсар.
Амукьда зенгинин ван чи япара,
Рик1елай ракъурдач мектебдин дустар.
Ви къилих уьмурда жеда чаз чешне,
Ацукьун къарагъун –тербия бине.
Чаз гайи чирвал-илимдин чешме,
Къадирлу яз хуьда,кьада ам вине !
Лугьуз:"физвай рехъ хьурай квез кьезил",
Рекье твазва чун уьмуьрдиз вуна.
Къакъатиз четин я,рик1из я зелил.
Муаллим,фида чун кьил тикдиз кьуна.
Муаллим
© Copyright: Тамила Хуршидова Салманова, 2021
Свидетельство о публикации №121052007727
Свидетельство о публикации №121052007727
Рецензии