Чуьллера чаз къацу яйлах,
Артух хьана некIед булах.
Башламишда ргаз кIвалах,
Чаз атай мугьман я гатфар.
Багъда, никIе тухуз кIвалах,
Тумар вегьез гьар са патахъ,
Гьар са къайгъу хьана уртах,
Берекатдин чан я гатфар.
Сувара бул жеда цуьквер,
Килиг, гьарна шад я рикIер,
Гужлу хьана мелни мехъер,
Тазавал, дарман я гатфар.
Къвердай жез яргъи йикъар,
НуькIери ванцелд ширин ахвар,
Къад булахди ийиз хъар-хъар,
Гуьгьуьлдиз зи кIан я гатфар.
Гатфар
© Copyright: Расулов Сраждин Джалилович, 2021
Свидетельство о публикации №121050608648
Свидетельство о публикации №121050608648
Рецензии