На пераклад на беларускую мову
натхніў верш М. Стулькіўскай:
http://stihi.ru/2021/04/01/10161
Жыву дзеля той тысячы драбніц:
Світанкаў ціхіх, туманоў вячэрніх,
Начэй, што з глыбіні вачэй крыніц
І звыклых слоў "надзённага даверу".
Жыву і дзеля танца пад дажджом,
Крылатых мар, развеяных вятрамі,
Дзе верш і песня, дотык твой плячом,
Дзвюх душ размовы позна вечарамі.
Жыву дзеля праменьчыка ў вачах,
І дзеля кавы, печыва з гарбатай,
Блакітных зорак ззяння па начах,
Нябёс бяздоння, месяца над хатай.
Жыву, каб столік толькі на дваіх.
Для полымных, гарачых пацалункаў,
Знаёмых новых і сяброў маіх,
Дзеля неспадзяваных падарункаў.
Жыву дзеля той тысячы драбніц,
З якіх штодня я шчасце выплятаю.
І дзеля ўсіх на свеце таямніц...
Жыву і дзеля крыл, што вырастаюць.
2.05.2020 Ядвіга Доўнар(Кур'яновіч)
Жыву дзеля той тысячы драбнiц... Укр. бел
© Copyright: Ядвига Довнар, 2021
Свидетельство о публикации №121050606632
Свидетельство о публикации №121050606632
Рецензии