Пародия

"Хъел акатна чантадавай
Пуд какани гадарна за.
Чими кlвале тlамадавай
Юлдашдизни гвадарна за."
Омар Казиханов
 
Экуьн кьилер атай чlавуз,
Дивандилай гьарайна за
Папаз,суфра ахъа лугьуз ,
Чай хъун,фу тlуьн къарарна за.

Кьални кlарас авач лугьуз,
Папа вичяй акъудна зун.
Кагьул-кагьул камар къачуз,
Фена тамуз,якlв кьуна зун.

Кар кьаз вердиш тушир виляй,
Гьекьер-кафар авахьна зай,
Акъатна зун гъиляй,кьиляй,
Зур куз кlарас хьана расай.

Ъардевилдин кьил атай хьиз,
Рази тир зун жув жувакай.
Гъил вегьена за чантадиз,
Гьатда лугьуз чрай якар.

Кьве кlус ниси,пудни кака-
Гъиле гьатайд ибур тир зи.
Чанта элек-велекна за -
Амачир мад чара рузи.

Хъел акатна кака санихъ,
Ниси саних гадарна за,
Гуда лугьуз за ви лайих,
Кьин кьуна гуз папан жаза.

Хтана зи санлай рикlел,
Кlвале кlус як авачирди.
Секин хьана,эликьна хъел,
Макъул кьинер кьуначиртlа...

Пуд какани нисид кlусар,
Фад къвекъвена жагъурна за.
Як недайдан ийиз кьасар,
Тlуьна,спел къугъурна за.
12.04.2021 г.