Шазан гатун межлисриз килигун я амайди...
Пакизат Фатуллаева
(Пакизат вахан пост кlелна атай бендер)
Шазан гатун межлисриз чаз килигун я амайди,
Хъуьтlуьз хъфиз кlамач,ленг я гатфар лугьур ийер вах.
Тlакьурзава тек умудни,чи рикlерик кумайни,
Гатфар,вучиз геж хьана вун,цlигелиз я на чун вахъ?
Тlимил тирни сан къайгъуяр,тlимил тирни завалар,
Бес туширни са тlвегъуьнди чаз авунвай басхусар?
Вунани икl наз хъийизва, ягъ лугьуз куь къавалар,
Тади галач ахъайиз чаз жуван чими агъушар.
Ни къакъудна ви кlашкlумар,ни алцурна ви зендер-
Вучиз вунни акси хьана икl адеман веледриз?
Чlалахъ туш терс килигна ваз чилин винел са бенде,
Гьиниз фена ви ихтибар-на рехъ гузва къелетриз?
На яб гумир фитнечидиз,адан шайтlан амалдиз,
Ваз акl жемир инсандин хва ярх хьанава кlвачелай.
И дуьньяда табий жеда гьар шей гьадан камалдиз-
Мадни адаз хъсанвала на,алакьдай вичелай.
06.04.2021 г.
Шазан гатун межлисриз...
© Copyright: Намик Фарзалиев, 2021
Свидетельство о публикации №121042604293
Свидетельство о публикации №121042604293
Рецензии