Аламач зи цавал цифер,
Варз алайбур хьанва йифер,
Ацукьзава къавал лифер.
Гьар са к1валах къвезва гъиляй,
Вун авайвиляй !
Зи к1вачерик мягькем я чил,
Хьайи къалай ви гъиле гъил,
Ви рекьерал эцигна вил,
Физва гъал хьиз раб фей геляй,
Вун авайвиляй !
Зи гъамарин кьат1 хьана ц1ил,
Динж я зи рик1,шад я гуьгьуьл,
Аваздалди рахаз билбил,
П1инид хилел экуьн кьиляй,
Вун авайвиляй !
Зи уьмуьрдиз вун атана,
Шадвалзава за дат1ана,
Са гьакъикъат за кьат1ана.
Ризкьи кими жедач к1валяй,
Вун авайвиляй !
Бес за дамах ийидач гьик1
Нетижайрал шад я зи рик1
Къураматди акъудна цуьк,
Акъатнава булах чиляй,
Вун авайвиляй !
19.04.2021.
Вун авайвиляй
© Copyright: Тамила Хуршидова Салманова, 2021
Свидетельство о публикации №121042201565
Свидетельство о публикации №121042201565
Рецензии