Гьикьванни иер я, и марваррин чуьл,
Вуна ви гъилерив заз кутунавай.
Ашкъид лишан яни, пак гьиссерин гьуьл,
Зи руьгьдин къумлухда вуна цанавай?
Лепейриз ухшар я гьар са лацу кул,
Гарари авазрив эч|ягьиз авай.
Тушни заха савкьат заз и цинин зул,
Гатари, гатфарри пехилвалзавай…
Белки к1урук1ар я к|анивилин муг,
Сад садан къужахда-саф пешерин тахт…
Вучиз яргъал физвач, лагь, жезва руг-руг,
Пашманвал гъуналди кьуразват1а бахт...
Пагь, гьикьван иер я, чи марваррин чуьл,
Куьн акваз гьар юкъуз шад жезва гуьгьуьл...
Теране Керимова Оруджева
*к|урук| (т|ур) - урус ч|алал бутон.
Пак гьиссерин гьуьл
© Copyright: Теране Оруджева-Керимова, 2021
Свидетельство о публикации №121040308324
Свидетельство о публикации №121040308324
Рецензии