Ажайиб алемда на туьк|уьрнавай,
Физава чи кьведан хуррам уьмуьрар.
Йифни- югъ бес вучиз фад акъатзава,
Белки чал навари пехилвалзава?!
Зун куьлуь са гъед хьиз къужахда аваз,
Йифериз элкъвезва вун битав вацраз.
Сигъ цифер агатиз гагь къакъатзава,
Белки чал цавари пехилвалзава?!
Рагъиниз элкъвенва ингье вун яраз,
Зун вакай хкатна нур хьиз зар алаз.
Марфадин т|урфанри кич|ерарзава,
Белки чал харари пехилвалзава?!
Ажайиб алемда на туьк|уьрнавай,
Тек са ви къанунрал за уьмуьрзава.
Инавай къайдаяр- зи руьгьдин гьава,
Белки чал ч1авари пехилвалзава?!
Теране Керимова Оруджева
Кьведан алем
© Copyright: Теране Оруджева-Керимова, 2021
Свидетельство о публикации №121040307925
Свидетельство о публикации №121040307925
Рецензии