Какахьай шеле тир жуван хиялриз,
Т|вал ягьаз ава зун, на лугьун сариз.
Къакъудиз жезавач, гала азабдихъ,
Чк|из агъзур патахъ, катзава гьарнихъ...
К|ват|на четиндаказ за абур гине,
Кек ягъаз агатна хиялриз, ингье-
К|валах авунивай мадни жез пара,
Кикер, руг- руг хьана, ат|узва чара…
Агудна аманат -дидед регъ мукьвал,
Вегьена хиялар хци сарарал.
Эвяна за сар хьиз эцигна вилик,
Экуьди мич1идаз жедат1а шерик...
Рекъинал эвягъай и наварикай,
Гила гъаларзава ,рик1е гьатна ц1ай-
Вучиз шехьзават|а бубадлай амай
Чхра, авазариз секин, гъам галай?
...Эхир… гам ршана ацукьда храз,
Экуь хиялрикай гиширар кутаз...
Гила гам храда...
© Copyright: Теране Оруджева-Керимова, 2021
Свидетельство о публикации №121040307914
Свидетельство о публикации №121040307914
Рецензии