8-Март!

Виридуьньядин дишегьлийрин  йикъан вилик Бут къазмайрин культурадин медениятдин к1вале и лишанлу вакъиадиз талукь суварин ч1ехи межлис кьиле фена.
Суварин суфраяр цуькверал, яр-емишдал ва гьар са недай-хъвадай няметрал безетнавай.
Мярекатдиз , вилик йисара  хуьруьн майишатда зегьмет ч1угур, алай вахтунда хуьруьн школада, аялрин бахчада, хуьруьн медпунктуна,хуьруьн администрацияда к1валахзавай дишегьлийриз ва и ц1арарин автордиз теклифнавай.
Суварин межлис хуьруьн кавха Рафик Урдуханова ачухна ва межлисдин иштаракчияр чими келимайралди ва гьар са иштаракчидиз цуьквер гуналди тебрикна.
К1ват1 хьанвай дидейрин , вахарин, рушарин гуьгьуьлар хуьруьн Культурадин к1валин регьбер Магомедов Айдуна ва а макандин художественный руководитель Салманов Усмана  тамамарай манийрал ва макьамрал шадарна. Къейд авуна к1анда хьи, мярекат адетдинди тушир къайдада кьиле фена.  Иштаракчийри чпин межлис чпи гурлу авуна. Абуру  дидейриз, гатфариз, муьгьубатдиз талукь манияр лагьана, шиирар к1елна. Бязибуру чпи туьк1урнавай бендерни к1елна, кьуьлер авуна.
Абур гьар сад къарагъиз рахана. Чпин рик1е авай мурад дуьнья ислягь хьун, балаяр бахтлу хьун дидейрин рик1ер абурукай архайин хьун тирди лагьана.
 Гьелбетда, межлис тешкилайбуруз чухсагъулдин гафарни лагьана.