Жагьлангъан юрегим,неге кюстюндюнг,
Ачыкъ сёзге чыкъмай алдынг уьстюнлюк?
Чалт-чалт зенг урасан,сабурунг ташлап,
Кюйсюз шо макъамынг сокъмагъа башлап.
Тююлген тююндей кёпдюр ойларынг,
Салынгъан мурадынг къуршай бойларынг.
Алдадай къабулсан Ватан гюзлеге,
Сагъынч гьислер элте къумукъ тюзлеге.
Кюстюндюнг,талчыкъдынг къумукъ халкъынга,
«Къумукълукъ азгъан ой» синген санынга.
Къар тюпде чечекдей уьшюдюнг,талдынг,
Кюр язбаш гелсе де,сен къышда къалдынг.
Яйланы гёзлейген йылай аламым,
Язбашлар яшнамай къуруй къаламым.
Гёнгюмню бузмай къой мени яшлайын,
Юрегим бир сёйле ,язма башлайым.
Жагьлангъан юрегим,неге кюстюндюнг,
Ачыкъ сёзге чыкъмай,алдынг уьстюнлюк?
Йыракъ элге элтдим,хатирсен магъа,
Юрегим менден геч ,тилеймен сагъа.
Юрегим менден геч
© Copyright: Насият Даибова, 2021
Свидетельство о публикации №121031507447
Свидетельство о публикации №121031507447
Рецензии