Юкъуз зун ви рикlел къвезмач,кумач зун ви йиферик,яр.
Ни жуьретна кяйдай чи мугьуббатдин лиферик,яр?
Акурла яргъамаз хъвердай вилериз зун кlамач ахкваз,
Атlугънава ийер чин ви,акатнан рагъ циферик,яр?
Залай гъейри виридаз на ийизва хуш суфат,залум,
Вучиз зун квач бес а хуш чин ийизвай сейр неферрик,яр?
Аквазмачир йикъарин гьар садаз са йис лугьудай за,
Яраб вуч тиртlа зи тахсир,хкlурди ви кеферик,яр?
Чидач ваз квен атанва ван,закай ваз вуч чугъул фенва,
Чlалахъ хьухь зи пак ашкъидин,жемир вун пис эсеррик,яр.
Асивалдач за,кьисмет я жеди гьа им мугьуббатдин,
Кутунвай-гьиссерин верцlи азабрик зун,жафайрик,яр.
Булахдал зун,вун а физвай,хьанайтlа са къавахдин ттар,
Хъсан тир мад,пешер кьванни геляйдай ви киферрик,яр.
Ви хуш дидар аквада мад,цана рикlе умуд,Намик
Гила ква сад хьайи къарин хиялриз физ сеферрик,яр.
23.02.2021г.
Гъезел
© Copyright: Намик Фарзалиев, 2021
Свидетельство о публикации №121030205719
Свидетельство о публикации №121030205719
Рецензии