Пашманаб гъвет

Хаслихъе т;огьиллъун т;амах гъенон гъвет;,
Гъудуз бусаби лъун басралъизабун,
Бесдаллъимер г;адин гъаринлъиялда,
Гъванилго бихьула балагьунги ч;ун.

Беч;адго эхетун, ургъалилъе ккун,
Араб рииялда рак; хадуб угьдун.
Анищ т;убан, т;егьан, т;амхазулъ бацун,
Т;ок;алъ берцинлъи т;адбуссинебдай-ян.

Керчал г;аркьелаби г;одоре далун,
Г;азул хъапарчаялъ хъах;лъизе гьабун.
Хъах;ал михъазулъгин магжилъ ц;ер ч;варав
Ц;оролдада г;адин г;унцун балагьун.

Г;ансаз сверун ккураб сих;къот;иялда,
Сог;аб квачалъ квегъун кверде босараб,
Ккола бугин пакъир къисматалъ бачун,
Къвак;араб хасалил асирлъуда-ян.

Г;азул паранжадулъ пуланлъиялда,
Патратаб заманалъ пашманлъизабун.
Паризе жан г;еч;еб, г;одоб хут;араб ,
Г;ажизаб, х;улараб х;анч;ида релъун.

Хъалалъ х;апаро бан, х;обода ккал ч;ван,
Ккола бугин гъарим гъапуллъун ккун-ан.
Гъенарал т;амхазде т;адеги къулун,
Т;олел маг;ил гарал макърада гонглон.

Хасел ун их бач;ун эркенлъилебдай?
Унго т;ок;алъ ч;орал риччаларелдай?
Ч;ах;иял г;аркьелал г;ебеде рит;ун,
Г;одобехун раг;ад рехиларебдай?

Рехунгодай телеб толох;очун мун,
Талих; т;абиг;ияб т;ок;алъ щвеч;ого?
Т;амхазул каралъан кунч;араб бакъул
Ч;оразул нурал ч;ун ч;ух;иларебдай?

Ч;ух;араб балагьи буссинебдай т;ад?
Бесдаллъи т;аса ун т;алаб щвелебдай?
Т;ок;алъ киданиги каралъе решт;ун
Куч;дул ах;илелдай х;анч;аца дуе?

Х;еренал т;амхазулъ т;еренаб гьорол,
Т;адагьаб шуршурди щвелебдай т;ок;алъ?
Щокъаб къаркъаладул къуват г;елебдай
Къисмат дур квегъулеб квач къезабизе?