Къыйын кюнде билек болгъан,
"Хахай" - десенг, - ёрге тургъан,
Джумушунгу алгъа элтген,
Хар затны да тюзлюк бла этген
Кимди ол?
Хар къуру да хапар соргъан,
Сагъышладан башы толгъан,
Таукел сёз бла кёлню басхан,
Юй артында къазан асхан,
Кимди ол?
Ол кеси къара къашлыды,
Чал сакъалы, къар башыды,
Хаман сеннге сагъышлыды,
Ол - анангы къарнашыды!
Анамы къарнашына
© Copyright: Мёлек Хубий, 2021
Свидетельство о публикации №121030104041
Свидетельство о публикации №121030104041
Рецензии