Болса да ишинг бек къыйын,
Сен белинги къатдырдынг.
Мийикде болуб сыйынг,
Иги бла атынгы айтдырдынг.
Джетген затлагъа кючюнг
Болушургъа ант этиб,
Кюрешесе кече-кюн,
Тёрт санынгы ат этиб.
Миллетинге джетген пайданг-
Ауругъаннга джарагъан,
"Хызыр Умарович къайда?", -
Деб, халкъ аллынга къарагъан.
Барыбыз да билейик
Дохтурланы багъасын.
Уллу Аллахдан тилейик:
"Къыйын ауруу къорасын!"
Дохтур Къарнашыма
© Copyright: Мёлек Хубий, 2021
Свидетельство о публикации №121022607883
Свидетельство о публикации №121022607883
Рецензии