Ана тилим - бешик джырым!
Сыйлы саугъам, сейир пахмум.
Миллет ангым, тыбыр отум,
Кючлю, ачыкъ, чомарт сёзюм.
Анам этген арюу белляу,
Атам берген керти ауаз,
Адет-намыс деб юретиу,
Таудан келген салкъын аяз.
Джоюлмазлыкъ терен хазнам-
Билим берген алтын тилим.
Мийик сыйым, уллу багъам !
Насыб къалам, Ана тилим!
Ана тилим
© Copyright: Айшат Кущетерова, 2021
Свидетельство о публикации №121021907248
Свидетельство о публикации №121021907248
Рецензии