Ч1аларин макан-дагъустан

Хкаж хьана лекь, фидайла цавай,
Къармахра-чувал,ч1аларив ац1ай.
Раган чархунихъ галк1ана чувал,
Чк1ана анай чилел яхц1ур ч1ал.
Гьар са къифледи авуна чапхун,
Гьар са дередиз хьана са рахун.
Ч1алан сагьибар хьана дагъвияр,
Гат1унна абур лугьуз манияр.
Лежберни чубан, авай пак къастар,
Манидив хьана к1еви тир дустар.
Агъач хъумузни, чуьнгуьрни, пандур-
Ислягь макъамда.Дяведа-гапур!
Мани мецеллаз хвена к1вал-ватан,
Къати женгера ягъийрихъ патан.
Хьанат1ани гьар миллетдиз са ч1ал,
Хьанач арада фаркь,чара амал.
Ч1алар яхц1ур я, адетар я сад.
Халкьар яхц1ур я, хесетар я сад.
Садвални дуствал,са гьунар са гуж,
Няс йикъуз къведа лекьерин са луж.
Давамарзавай адетар хъсан,
Халкьар са к1вал я,зурба са хзан.
Машгьур я вун къе, дуьньяда еке,
Дагъларин уьлкве,ч1аларин уьлкве !




       Ч1АЛАРИН МАКАН

Хкаж хьанва лекь, лув гузва цавай,
Къармахра-чувал, ч1аларив ац1ай.
Чархунихъ раган галк1ана чувал,
Чк1ана чилел анай яхц1ур ч1ал.

Гьар са къефледи авуна чапхун,
Гьар са дередиз хьана са рахун.
Ч1алан сагьибар хьана дагъвияр,
Гат1унна абур лугьуз манияр.

Лежберни чубан, авай пак къастар,
Манидив хьана к1еви тир дустар.
Агъач хъумузни, чуьнгуьрни, пандур-
Ислягь макъамда, дяведа - гапур.

Женгера пис ягъийрикай патан,
Мани мецеллаз хвена к1вал-ватан.
Хьанат1ани гьар миллетдиз са ч1ал,
Гъанач дуствилел лянетдин хал, т\ал.

Ч1алар я яхц1ур, адетар я сад,
Халкьар я яхц1ур, хесетар я сад.
Садвални дуствал - чи гьунарни гуж,
К1еве гьатайла - лекьерин са луж.

Давамарзавай адетар хъсан,
Миллетар я ви са к1вал, са хизан.
Машгьур я вун къе дуьньяда еке,
Дагъларин уьлкве, ч1аларин уьлкве !