ЗИ ЧLАЛ...
Ажеб къалмакъал я ,зи чlал...
Куьз заз икьван тешвиш ятlа?
Куьз зи рикlе тlал я,зи чlал?
Дуьнядава гзаф чlалар,
Гьардаз вичин-хиридарар
Заз чlаларин виридалай-
Тек са верцlи чlал я зи чlал.
Чилин винел девлет-пара,
Жуьребажуьр сервет-пара,
Тlвар-сан пара,шуьгьрет пара-
Заз дуьнядин мал я зи чlал.
Мез ахъайна,рахазва зун,
Вав дамахиз авазва зун,
Хъсан жеда-агъазва зун,
Зи умудар вал я ,зи чlал!..
Хупl багьа тир хазина са,
Ягь авайди гузни маса?
Лезги рушан хъуьхъвел масан,
Гирде ийер хал я зи чlал.
Бубайри чи кирамнава
Чешне-чешне хранава
Асирра ам чранава
Ни лугьуда кал я зи чlал?
Уьмуьр-биллагь галатдачир,
Гьич рикlелай алатдачир,
Дидед некяй атай атир,
Суьгьуьрдин ни-ял я,зи чlал.
Маяк хьана заз экв гузвай,
Зуьгьре гъед зи,даим кузвай,
Зун и зи кьве кlвачел хуьзвай,
Рикlин тек са гъал я зи чlал!..
Девир девир туш хва декьей,
Гзафд ава чlуру рекье,
Намерт веледрин къене къе,
Гьикl я бес ви гьал ,я зи чlал?
16.01.2021 г.
Свидетельство о публикации №121021701526