Къумуш элим, кюмюш белли - кюн бетли.
Къаяларынг: чегет баур, кюнбетле,
Къобан сууну джагъасында орналгъанса,
Джюрегими арасында орун алгъанса.
Къумуш элим - кёкде учхан тау къушуду,
Неда анамы зикир айтхан таушуду.
Туугъан элим - сен атамы юйюсе,
Сюйген джуртум, башхалагъа юлгюсе!
Къумуш элим, тийрелеринг юйресин!
Джаш тёлюнг а ашхылыкъгъа юренсин,
Джашасынла хурмет тёкген къартларынг
Бизге айтырча таурухларын нартланы.
Туугъан джерим, сюйген элим - Къумушум,
Къайтырыкъма болмаса да джумушум
Салкъын джелге мен бетими бурургъа,
Тау хауангы келиб солуй турургъа!
Къумуш элим
© Copyright: Мёлек Хубий, 2021
Свидетельство о публикации №121020206652
Свидетельство о публикации №121020206652
Рецензии