Пехил Мегьри
Къунши папа вичин сивиз къай ганач,
Куьчедавай тапархъанрин тай хьанач.
Кьилиз атай жуьрба-жуьре фикирар
Санал к1ват1из,кхьиз хьана шиирар.
Мажал хьайла ийидай са кар хьана,
Газет-журналдани т1вар хьана.
Чка кьуна шаирарин къифледа,
Гьуьрмет хьана хуьре-к1вале, магьледа.
«Зун адалай усал туш хьи, гат1унда.
За кхьинар вичин кьилиз къалумда»,-
Кьет1 авуна,эхиз тахьай Мегьриди,
Алахъна вич къаматда тваз заридин.
Бажарагъдин,гвачир адил куьлегар,
Пехилвили авуна ам гьелекар.
Кхьиз,ч1уриз акъатна гьак1 варцарни,
Тваз тахьана алакъада кьве ц1арни.
«Им кеспи туш гьелеквал я,къаза я,
Им Аллагьди адаз ганвай жаза я"-
Ик1 лагьана акъвазарна кхьинар,
Эхлекьарна чандал алай ифинар.
Дафтаррикай,авур вичи ч1улавар,
Салан пип1ел хъувуналда ялавар.
© Copyright: Тамила Хуршидова Салманова, 2021
Свидетельство о публикации №121012709131
Свидетельство о публикации №121012709131
Рецензии