Яш вегьейлани амукьда чун яз аял дидедин,
Ада негьдач,хьайитlан чун квадариз ял дидедин.
Балади кlвач эцигайнал чан эцигдайди я ам,
Эвледар бахтлу акун я багьа агьвал дидедин.
Дидеди чlугдай азиятдиз авач мас ,баладал-
Буш ракъурдайди ацlукьда чеб усал къал дидедин.
Лап дидед къадри течирдан кlвал аваданни жеда-
Де ша чlехи авур ам, жечни зарул гьал дидедин?!
Дидед гьуьрмет дехуьдайдаз югъ аквач,садни хьи вуч-
Агакьарда ада вичин гъилив ажал дидедин.
Хатур адан хайиди вич жеда пашман са юкъуз,
Рекьидалдини карагда адаз шел-хвал дидедин.
Жеда шивдал фу адан,яхдиз амукьда звериз ам,
Берекат жезни чlурайдаз къени тир кlвал дидедин.
Шагьларизни хьанач а хазна дидед буржи кlевиз-
Чаз амукьдай гъвечlи кар тек я са: хуьн чlал дидедин.
09.01.21г.
Гъезел
© Copyright: Намик Фарзалиев, 2021
Свидетельство о публикации №121011109791
Свидетельство о публикации №121011109791
Рецензии