Хоза йиIиг я из Дали.
Оамалашта дика я.
«Мегий ер аз хьаде?» – аьле
Мара, ше дер цадеш я.
Я из шийца беркат долаш,
ДегIа – эсал вIалла яц.
Эше – духьал отта могаш,
Кхераялар фуд а хац.
БIаргаш да цун доагаш, къегаш –
ЖIовхарашта тара да.
Басилгаш – "шафрана Iажаш", –
Из массане оалаш да.
Хул из цIагIчу гермий хьокхаш,
Коа тIа йоал из нув лохаш,
Нанна селла накъа йоалаш,
Я из нана гIадкхувлаш.
Иштта кхувш я йиIиг Дали,
Хоза оамал хьагойташ.
«Мегий иштта хьаде?» – аьле,
Ше дер зехьа ца дойташ.
27.02.20.
Дали
© Copyright: Аслан Куазо Ингушетия, 2021
Свидетельство о публикации №121010909196
Свидетельство о публикации №121010909196
Рецензии
