Амадашка, дIа-хьа тувсаш,
Ший ловзорьгах ийна воал.
Хало хилча санна, сувсаш,
Кхестаю цо берий пхоал.
Хьал-Iо вод из цIагIа-гIолла,
Цкъаза шийца илли оал,
ТIаккха, волаш санна молла,
«Ламаз» де цун карагIдоал.
Халхавоал из, тоссалийя,
Маьже дика хьовзаеш,
Дерриг дегI а соттадийя,
Берригаша белабеш.
Говза ва из доллачунна,
Хьаькъалаца тайна ва,
Камаьрша ва дIалучунна,
ДIадехара тIера ва.
Ишта ва-кха, ше ма варра,
Амадашка-къонахилг;
Массанешта везаш вола –
Ханна зIамига кIаьнкилг.
25.03.2015.
Амадашка
© Copyright: Аслан Куазо Ингушетия, 2021
Свидетельство о публикации №121010909122
Свидетельство о публикации №121010909122
Рецензии
