Уйлаш яр са тайна хьоца,
Вай шиъ цхьана хилар ловш,
Хулаш масса хана ловца
Ханаш еча хьо хьагуш.
Бакъда, ханзар хьона бовза
ЦIена безам, кхыдар зувш,
Лайр-кха цIаьхха хила говза –
Со Iехавеш, тем ца луш.
Со-м сагота вац-кха хьона,
Сайца иштта хиларах;
Сайга кхача ловча вонна
Байза ма ва бIарчча мах…
Яйза ва хьа говза хIилла,
Цунах валар да хIанз товш –
Цудухь, шеко йоацаш вIалла,
ДIахо се хилар ва ловш.
Сенна эш хьа даьсса дешаш,
Фуд цар сона Iалашде, –
Шойха хилар мара кицаш,
Хьона хьайна белам бе?
Сенна эш хьа даьсса куцаш –
Духхьал сона Iехам бе,
Хаьда хилча рузкъан мазаш –
Вахар цхьана Iалашде?
Из бахьан ва хIанза тешаш
Хьона цавезарах се,
Ше мелдолчох кхийтта волаш,
ДIахо тийна ловш ва Iе.
ХIета а, Iар-дик хьона дувцаш,
Сай эзделца лов хьо зе,
Селла ийрча вай шиъ къасташ,
Хинна дика доа ца де.
I6-I7.08.20I3.
Iадика хийла хьа!
© Copyright: Аслан Куазо Ингушетия, 2021
Свидетельство о публикации №121010909014
Свидетельство о публикации №121010909014
Рецензии