Шовда дода атагIенца –
Iаламца сакъердалуш;
БIарг-са хьестача хозленца
Уйла безаме дIаувш.
Ший берилгаш нанас санна,
Кхерилгаш цо лувчаду.
Уж безамца хIара денна
Эшачунца Iалашду.
Аре гIоза елакъежаш,
Мерза безам буаш я;
Сигалара йIовхал телаш,
Цунца са увш малх а ба.
ГIаддаха да гоннахь Iалам,
Доккхал деш ший вахарах.
Далла тел цо денна хоастам,
Шовда маьрша хиларах.
15.03. 2015.
Шовда
© Copyright: Аслан Куазо Ингушетия, 2021
Свидетельство о публикации №121010908778
Свидетельство о публикации №121010908778
Рецензии
