Багъалы аммачыгъым,
Мен сени бек сюеме.
Сени хар айтханынгы
Жерге салмай этеме!
Барсанг ийнек сауаргъа,
Челегинги элтеме,
Аш берсенг тауукълагъа,
Сууларын келтиреме.
Мен болсам да хыпияр,
Сен азчыкъ урушаса.
- Айтчы, - десем, - бир хапар,
Нарт таурухла айтаса.
Сени туугъан кюнюнгде
Алгъыш сёзле айтама,
Бу назму тизгинледе
Санга махтау салама.
Мен уллу болсам, санга
Кёп саугъала аллыкъма,
Кишиге сукъландырмай,
Алай жашатырыкъма!
Амманы туугъан кюнюне
© Copyright: Аминат Рахаева, 2021
Свидетельство о публикации №121010902730
Свидетельство о публикации №121010902730
Рецензии