Жангы жылгъа алгъыш

Аминат Рахаева
Пожелания с Новым годом

Кёп ахшылыкъ тилейме
Жангы жылда халкъыма,
Кийик саулукъ тежейме
Гитчеге эм уллугъа!

Багъалы таулу халкъым
Кюнден кюннге кёп болсун!
Бушууубуз аз болуп,
Сабий саны къошулсун!

Аллах бизни тау миллетни
Энди онгуна бурсун,
Жашап тургъан жерибизни
Кесибизге буюрсун!

Аталагъа, аналагъа
Кеси аллай эс берсин -
Хар юйюрде кюн сайын да
Ёз тилибиз эштилсин!

Бизни алан миллетибиз
Жумдурукъча бирлешсин!
Хар таулу да ана тилде
Ёхтемленип сёлешсин!

Намысыбыз, насыбыбыз
Болсун бийикден бийик!
Жюрекледе ийманыбыз
Къаты болсун къурч кибик!


© Copyright: Аминат Рахаева, 2021
Свидетельство о публикации №121010705403
Список читателей / Версия для печати / Разместить анонс / Заявить о нарушении
Другие произведения автора Аминат Рахаева
Рецензии
Написать рецензию
Другие произведения автора Аминат Рахаева