Бюгюн танышларымда
Мен болгъанма къонакъда.
Бир ариу таулу юйюр -
Юч тёлю толу юйюр.
Алакёз сабийчикле -
Тюз пиринч бюртюкчюкле.
Ала бла жубана
Уллу ата бла ана.
Келинлери аш юйде
Бизге шапалыкъ эте.
Жаулукъчугъу башында,
Аш-суугъа къолу уста.
Тюбюнде машинасы,
Сабийлени атасы
Ишден келди юйюне,
Бу ариу юйюрюне.
Бир бирни этип ийнакъ,
Бардырадыла ушакъ,
Алай мен бу юйюрде
Аз эштдим сёз тау тилде...
Таулу юйюрде
© Copyright: Аминат Рахаева, 2021
Свидетельство о публикации №121010508592
Свидетельство о публикации №121010508592
Рецензии
Аминат! Кюнюнг ахшы болсун!
Келе тургъан жангы жыл,
Къууанч бла Насыпдан толсун!
Аминат, кезбаусуз сеирлик назмуларынг бардыла!!!
Бек сеири уа, Минги тау
журнал аланы шёндюге дери басмаламай тургъаны...
Алий Чеченов 30.12.2023 10:49 • Заявить о нарушении
Келе тургъан жангы жыл,
Къууанч бла Насыпдан толсун!
Аминат, кезбаусуз сеирлик назмуларынг бардыла!!!
Бек сеири уа, Минги тау
журнал аланы шёндюге дери басмаламай тургъаны...
Алий Чеченов 30.12.2023 10:49 • Заявить о нарушении
Ахшылыкъ кёр, Алий! Сау бол! "Минги тауну" ноябрьде чыкъгъан 5-чи номеринде Ася Додуева чыгъаргъанды.
Аминат Рахаева 30.12.2023 15:16 Заявить о нарушении
Аминат Рахаева 30.12.2023 15:16 Заявить о нарушении