Хъуьтlуьн гъвечlи чиле я,
Кьуьд цlи яман хъилева:
Ава кьуд-пад тlакьурна,
Вичин живер чlагурна ...
Багъда экъвезваз Тагьир,
Акуна са лацу къуьр.
Ам адаз кьаз кlан хьана,
Къуьрез-къугъаз кlан хьана.
Къуьр кьасухдай кат тийиз,
Кьижитl* гузвай гададиз.
Лугьуз саки:"Агат тlун-
Алакьзатlа,ша яхъ тlун!"
Де Тагьир агатзава-
Чапрас гьаман катзава!
Палту алач,кьецlил я,
Чекме алач,кьезил я.
Чlагай живед хуьзва къуьр,
Де ша залан я Тагьир.
Къуьрев агакьзавач ам-
Живед тазвач вегьиз кам.
Ингье,адан дуст Къияс,
Яру газар гъилеваз
Атай кумазни багъдиз,
Хкадарна къужахдиз
Акъахна къуьрни адан-
Ам Къиясан къуьр тир кьван!..
*кь(ъ)ижитl гун-дразнить
29.12.2020г.
Аялар патал... рубрикадай
© Copyright: Намик Фарзалиев, 2021
Свидетельство о публикации №121010100802
Свидетельство о публикации №121010100802
Рецензии