Са бубат чlехи аялар патал...
Пилте-пилте къвазава жив,
Уюнариз,элкъвез-элкъвез.
Акатна гар,къакъунна сив,
Фитlинзава живер къенез.
Саврух гьатна вири пата,
Куьтягь жезва секин къунар.
Живер хьана ата-бата,
Амач жезва низам кьунар.
Атай хьизни хъфизва гар,
Амач жезва са легьзе ам.
Бес я жеди тухвай паяр,
Барпа жезва живед низам.
Жив къвазва мад къугъваз-къугъваз,
Вутl хьана бес къетнен живер?
Лацу,хъуьтуьл маргъунаваз,
Гар гьатдачир,кьунва кlевер.
Исын лацу бармакар хьиз-
Акlанвай хьиз я туп тупа.
Дагъ-дереда,кьеряй виниз,
Жагъизва чав живер ахпа!..
Жив
© Copyright: Намик Фарзалиев, 2020
Свидетельство о публикации №120122103693
Свидетельство о публикации №120122103693
Рецензии