Хиялдава хайи дагълар,
Кьве пай хьай чан т1азва лугьуз.
И пата марф,а пата хар ,
Чпин кьилел къвазва лугьуз.
Са дегишвал авач, зари:
Табдагъ хьанвай Шагьни Шалбуз,
Писни –хъсан эхиз вири,
Кьвед кьве пата ама ялгъуз.
Кьвед кьве пата сад я ухшар.
Гьеле тик яз ама кьилер.
Акъвазнава кьве пад къаншар,
Мус сад жеда,лугьуз,элллер?
Амма чпин ватан чизвай,
Кьве пай хьанвай руьгьдин дарман,
Сергьятрилай лув гуз физва,
Ви манияр, Асеф Мегьман!
Асеф Мегьманаз
© Copyright: Тамила Хуршидова Салманова, 2020
Свидетельство о публикации №120121506968
Свидетельство о публикации №120121506968
Рецензии