Школада кIелзавай аялриз менфят къачун патал

 
  Ч|алан паяриз талукь яз кхьей бендер.

Вили цавун кIаник квай
Музей я а хуьр.
Ам  Саидан ватан я,
ТIварни я Кьуьчхуьр !
*  *  *
Виликдай чи  мехъерриз
Авай  са адет,
Свас  хтайла  ракIарал,
Теклифдай шуьрбет.
*  *  *
Вун дагъви я лезги я,
Хуьх вуна рикIел.
Салам це на дагълариз,
Тамир  вахъ цIигел.
*  *  *
Бике кIвализ хтайла,
Хабар кьуна дидеди:
-Къе вуч кьимет къачуна ?
Гъед къалурна Бикеди.
*  *  *
Кьудкъад йис я бубадин,
Бадедилай чIехи я.
Жив ацукьай дагъ хьтин,
Кьилни чуру рехи я..
*  *  *
Куьмек  гузва Эслиди
Дидедиз кIвале.
Тарсар чирна куьтягьна,
Кар жеда гъиле.
*  *  *
Гьуьлел фида зунни вун,
Тавуна энгел,
Амма Мурад тухудач,
Тирвиляй женжел.
*  *  *
Гьамиша за вине кьада
Хайи ватан,дидедин ч1ал
Куьн зи рик1ел,мецел тахьай
Яраб гьахьтин  югъ жеда жал !
*  *  *
ХьайитIани зун яргъара,
Лап а кьиле уьлкведин,
За дидед чIал хуьда рикIе,
Аманат хьиз дидедин !
*  *  *
Пагь куьн гьикьван нуш я заз,
Гьикьван иер я.
Лезги ч1алан гьар са гаф
Сад са гевгьер я !
*  *  *