Гаьнара безам

(илли)

Гаьнара Iуйре ма йоагIийла,
Гаьнара сайре ма йоагIийла.
Саготделча го йиш йоаца,
Гаьнара безам ма боагIалба.
   Саготделча го йиш йоаца,
   Гаьнара безам ма боагIалба.

Гаьнара Iуйре са я, шоана.
Гаьнара сайре са я, шоана.
Саготделча го йиш йоаца,
Гаьнара безам са ба, шоана.
   Саготделча го йиш йоаца,
   Гаьнара безам са ба, шоана.

Сарахь хи тIа яхийтац со.
Лоалахошка яхийтац со.
Гаьнара безам бенаб аьлча,
Корах ара хьажийтац со.
   Гаьнара безам бенаб аьлча,
   Корах ара хьажийтац со.

Яхийта, нана, сарахь хи тIа,
Хьажийта, нана, корах ара.
Сай са делча, аз лургвоацаш,
Са везар ва цига хьежаш.
   Сай са делча, аз лургвоацаш,
   Са везар ва цига хьежаш.

Аз фу Iуйре йоаяьяр хьа?
Аз фу сайре йоаяьяр хьа?
Из везар-ма, ва са нана,
Аз фу дуне доадаьдар хьа?
   Из везар-ма, ва са нана,
   Аз фу дуне доадаьдар хьа?

Гаьнара Iуйре ма йоагIийла.
Гаьнара сайре ма йоагIийла.
Саготделча го йиш йоаца,
Гаьнара безам ма боагIалба.
   Саготделча го йиш йоаца,
   Гаьнара безам ма боагIалба.

(Илле автор я ТIой-юртара
Куркенаькъана (Гелатхой) Казибан.
Илли дешашца тоа а деш,
юха меяттаоттааьд I987-ча шера
Коазой Аслана)