Са хьоме доттаг1а,дика ладог1ала,
Хала доаца хаттар да:
Укх дунен мел дола рузкъа,
Аз хьаденна,когашк дуле,
Фуд хьог хьаьттача,дегий жовхьар?
Т1аккха са новкъосто , хоза 1охейна,
Са хаттаран жоп делар:
1а са когашк дилла рузкъа,
Малх мо къегаш дар.
Х1аьта ладог1ала 1а сога,
Аз хьайн беча хьехамаг.
Дац из рузкъа фийга миссел,
Цингар бала пайда бац.
Дегий жовхьар фу хал мега?
Дукха уйла езаг яц.
Хьайга дас 1а яхар дича,
Цул дезаг1а х1ама дац!
Даь дог хьесташ ,цун сий деш.
Духьала ца йоалаш,ц1и лораеш...
Цкъа дале,из хьа толам да,
Из хьа дегий жовхьар да.
Сай да волча сихаенна,
Ловца баккха яхар со.
Бицлургбац сайна баьбола хьехам
Из са хьоме доттаг1 -
Са вош вар.
отцу
© Copyright: Жанетта Аушева, 2020
Свидетельство о публикации №120120505331
Свидетельство о публикации №120120505331
Рецензии