Руьгьерин ихтилат...

Кьунва вири алем  къалин цифери,
Зул тирди чирзава, залум йифери.
Куьлуьз марф къвазава, кьеженва кьуд пад,
Саки къен кук1вариз ийизва пад-пад…

Руьгьер дяведава къе аскерар  хьиз,
Сенгерда цуквалла,  рик|ин гафариз...
Сефил чпирвиди: - чк|изва диге,
Эхиз хьанач зи дерт, начагь я диде....

Михьна к1елет1види  нагъв алай   вилер:
- Яб це зи дердериз, эй цавар –чилер !
Гьик| ят|а к1валемай начагъ  куьлуьди,
Руфунал залан тир азиз  к|аниди....

Дериндай ч|угуна агь пиривиди,
Гъил ченедик галаз, кьунвай  фикирди:
-Пелел аламат1а,  зи кьве балани,
Дат|ана рекьер хуьз диде-  бубани?

Ингье, гаф гьалтнава са кц|арвидал:
-Пагь, чанда  ава зи эхиз тежер т|ал.
К|анидаз гаф ганвай, вилив хвей бицек,
Санал чна хуьда, тадач за куьн тек....

Бине Къебеледай -расу гадади:
-Алем юзурзава лишан квай ярди.
Зак|алдай авахьиз накъвар туп|ук квай,
 Гур чуьхуьз алама зи к|усар авай...

Къуьнел гъил эцигна балакенвиди:
- Эхь, кьуна  дамарра муркар ивиди-
Мехъер югъ къалурнач зазни кьисметди,
Рекьизва вичи – вич, хайи дидеди...

Командир атана:- кьегьал рухваяр,
Эгьей, лезги чилин халисан касар!
Яраб гьикьван ят|а  ина куь  кьадар
Какахьна …какахьна  зи гьисабунар…
Теране Керимова Оруджева.
14.11.2020.