Асил хоншуларыма,
Шу шиърумну язаман.
Хоншума къыйын болса,
Кюйсюзлюкден азаман.
Бар болсун хоншуларым,
Къырыйымда гьаман да.
Тарыгъыма табыла,
Мени учун къачан да.
Шат болугъуз гьаман да,
Яхшылыкъланы гёрюп.
Бу яшавда яшайыкъ,
Бир-бирибизни сююп.
Асил хоншуларыма,
Янгур болуп нюр явсун.
Сизин юреклеригиз,
Насиплилерден болсун.
Сизин учун мен бугюн,
Жанымны да беремен.
Бу яшавда мен сизин,
Ювугъумдай гёремен.
Асил хоншуларыма
© Copyright: Мухаммад Османов, 2020
Свидетельство о публикации №120111309123
Свидетельство о публикации №120111309123
Рецензии