Нече гезик гёрер гюнге инанып,
Нече гезик чыкъдым чачым тарамай.
Нече гезик яш эсимни алдатдым,
Сюрюндюрер ташлагъа бир къарамай.
Нече гьислер сюйдюртдю келпетингни,
Нече гьислер туз тёкдю яралагъа.
Нече гьислер паралатып юрекни,
Сюювюмню къаплады къаралагъа.
Нече сёзлер сынажакъ ёкъ санаву,
Нече гёзлер бир-биринден гечелер.
Нече сёзлер яндырарын англамай,
Юрек янып сюежеклер нечелер.
Сюежеклер нечелер
© Copyright: Насият Даибова, 2020
Свидетельство о публикации №120110600840
Свидетельство о публикации №120110600840
Рецензии