Уьч уланым, кюр бавдур,
Къоруйгъан асхар тавдур.
Мени гьавам, гюнюмсюз,
Сугъарагъан тюлюмсюз.
Гьалиге къурумадым,
Сувдан тоя бутакълар.
Яшлар оьзлердир магъа
Гюч береген булакълар.
Гьалиге мен сав къалдым,
Тамурум терен салдым.
Гиччи игит тереклер
Яшав учун гереклер.
Гьалиге саргъаймадым,
Гюнгюрт гюзню кюлетмей.
Яшылман мен къышда да,
Гьатта кюллю къыш етмей.
Айбат язбаш гиргенде,
Бав сюе тюрленмеге.
Бутакъларым язылып,
Башлана бюрленмеге.
Исси яйны яллаву,
Бюрлеримни яндыра.
Булакъны салкъын суву,
Тамурларым къандыра.
Мендей ана тереклер
Кёплер болмай уянма.
Кёп къасткъылсын авлетлер,
Тамурун къоймай янма.
Бавдагъы тереклени,
Сугъарыгъыз, уланлар.
Балики, олар мендей
Яшлары сув берер деп,
Бозаргъан бир аналар!
Ана-терек
© Copyright: Насият Даибова, 2020
Свидетельство о публикации №120110600834
Свидетельство о публикации №120110600834
Рецензии