Бицlекриз
Цlару хура уф туна,
Цава хци кlуф кьуна,
Дамах квай кьван вуч ятlа,
Фурсар гвай чан вуж ятlа?
Кlекlецар хьиз кьве кlвач ква,
Пуд тlуб галай капаш гва.
(Кьве ажайиб капач ква)
Кьилел гъвечlи техв ала,
Техвен юкьал регъ ала.
Гьар пакамаз са сятда,
Ван ацалтна гьаятдал
"Уь-уь" ягъиз гьарайда,
-Экв я!-лугьуз хабарда..
Фурсар ийиз къвекъведа,
Салар чализ эгъведа,
Неда жагъай цlицl-пепе,
Туьтуьх вичин - са гьебе!
Кикlиз жеда,фида худ,
Налагь тlуьнва истивут.
Вич хьтин къуш тек ятlа?
Белки ам чи кlек ятlа?
2-вариант:лапни бицlибуриз...
Цlару хура уф туна,
Цава хци кlуф кьуна,
Гьар пакамаз са сятда
Ван ацалтна гьаятдал,
"Уь-уь" ягъиз гьарайда,
-Экв я!-лугьуз хабарда.
Фурсар ийиз къвекъведа,
Салар чализ эгъведа,
Неда жагъай цlицl-пепе,
Туьтуьх вичин-са гьебе!
Вич хьтин къуш тек ятlа?
Белки ам чи кlек ятlа?
17.10.20 г.
Кlек
© Copyright: Намик Фарзалиев, 2020
Свидетельство о публикации №120101903384
Свидетельство о публикации №120101903384
Рецензии