Бавда битген гюл терексен,
Чечек ачагъан.
Яш юрекни гюнешисен,
Шавла чачагъан.
Гёзлеримни ярыгъысан,
Юрегимни тарыгъысан,
Насибимни чырагъысан,
Шавла чачагъан.
Гюл чечеклер жыяман мен,
Сагъа бермеге.
Алгъасата яш юрегим,
Сени гёрмеге.
Гюл чечекдей арив юзюнг,
Нюр себелей къуймур гёзюнг,
Балдай тама жангъа сёзюнг,
Гёнгюм ачагъан.
Энни сени излей къуймур,
Къайда барайым.
Ет аявлум жангъа ювукъ,
Сырым айтайым.
Ёл чыкъгъанман сени излей,
Къумукъ тюзден сени гёзлей,
Гьашыкъ жаным умут уьзмей
Унутма болмай.
Гюл чечек
© Copyright: Адилгерей Минатуллаев, 2020
Свидетельство о публикации №120101806317
Свидетельство о публикации №120101806317
Рецензии
