БЕЛАРУСЬ
Беларусь – ты мой сон і мой свет паднябёсны,
Свет, што льецца нібыта праз цемру вякоў.
Край зялёных дубраў і бярозаў бялёсых,
Валуноў даўніны, замшэлых з бакоў.
Па табе я заўсёды сумую бясконца,
Без цябе не бывае такога мяне.
Ты мой свет з вышыні, ты цяпло майго сонца,
Падарожны маяк у чужой старане.
Беларусь, я табою заўсёды галодны,
Я не кіну ніколі цябе ў бядзе.
Прычашчуся табою, ты хлеб мой надзённы,
Страх і сорам за грэх на калені падзе.
Да цябе, як да Мамы, імкнуся душою.
Шлях сусвету заўжды да цябе прывядзе.
Ты мяне, як дзіця, закрываеш сабою,
Не пакінеш мяне нізашто і нідзе!
***
© Copyright: Юрий Мазалевич, 2020
Свидетельство о публикации №120101306097
Свидетельство о публикации №120101306097
Рецензии