Уьмуьр,вун вуч затl я лагь,заз чир хьурай,
Икl куьруь мярекат,мел хьана фида?
Хайи югъ,кьейи югъ-мензилда цlраз,
Чlемерукlдай вегьей хьел хьана фида.
Садаз верцlи жеда,садаз туькьуьл вун,
Садаз гьулдан жеда,садаз хъуьтуьл вун.
Кьуьзуьвал,секинвал ятlа са кьил вун-
Жегьилчlав ви тlурфан,сел хьана фида.
Садбуриз регьимлу,садбуриз сед я,
Садбуриз шадвал гъиз,садбуриз бед я.
Садбури эбеди гьализ вун къетда-
Садбур куьцlуьз,вакай хъел хьана фида.
Ви гьар са вядедиз са тlеам,дад ава,
Кьежей зул,тlакьай кьуьд,ифей гад ава.
Къуза пад ава вахъ,гуьне пад ава,
Гьим вуна цlуькlда,низ гел хьана фида?!
Алакьдай жуьреда тухуда гьарда,
Умудда,мурадда,хиялда гьарда...
"Виридкай хкатда зун,"-на лагьайтlа,
Намик,ви зендерни гъвел хьана фида!..
23.09.2020г.
Уьмуьрдиз...
© Copyright: Намик Фарзалиев, 2020
Свидетельство о публикации №120092304515
Свидетельство о публикации №120092304515
Рецензии