***

Фикрет Хидиров

*  *  *  *
(Зулун шикилар ва гьиссер)

Рекъиз ава ракъинин чим.
Гьавайрин агьвал  я ч1имел. 
Ят1ани, зулу, текъвез къийим,
Раижнава алем гуьзел:               
               

Нур гуз ала ягъварал цак,
Циф агалтнава раган цлак,-               
Ранг чк1анва гимишдин пак.               
И  акунар  суванди я.               


Дамахдик ква  пешерик  там,-
Галчуднаваз "къизилдин хам".
Тарарив гвай гарун макьам , 
Вишришрик кваз,  шуванди  я.            


Жанг алай хьиз аквазва т1ул,               
Къванвай марфадикди хумул.               
Къацу ч1урал ст1алрин ч1ул,-
Буьлуьл хьтин,  къуванди  я.               


Ч1еред к1аник, к1вахьиз ст1ал,
Кьве гъаб кьуна гала аял.
Марфадикай ят1а  хиял?
Кьарай адан  к1убанди я.


Зи кьатунрин эфзел я зул:               
Квачир синих, тушир бат1ул.               
Гуьгьуьлда куз илгьамдин къул,               
Феслид алем жуванди я.               


Жезвач  хьи  зи к1анивал  кис,               
Зулун "къал-къиж" ийизвай гьис!
Лугьудач за, фесли я пис!
Адахъ зи  гьал - хъсанди я!               

2017. 10.