Куьз я яргъи йифер ашкъид т|ям квачир,
Гъетерин рапрапар вун патав гвачир.
Вацра ванарзава: я буш къугъунар,
К|аниди галачир рик|ин ягъунар.
Куьз я бахтавар рагъ яраз хкатай,
Хъуьрез, циферикай к|убандиз катай.
Нурарив алемдиз туьмерарзавай,
Амма тек зи чандиз чимер тегъизвай.
Лагь, куьз я и йикъар гьак| акъатзавай,
Девейрин карван хьиз къвез- алатзавай.
Йисар, лувараллаз тадиз физавай,
Уьмуьрдин легьзеяр, гъамар гъизавай…
Чир хьухь, ваз кхьизва гьиссерив ц|арар,-
За рик|ин кьватида к|ват|нава чарар…
Вун патал тушни зи баядар гъам квай,
Гьа зун хьтинбуру аманат тунвай...
Теране Керимова Оруджева.
Вун патал
© Copyright: Теране Оруджева-Керимова, 2020
Свидетельство о публикации №120091908118
Свидетельство о публикации №120091908118
Рецензии