Нэгъуэщ1 уэ насыпыншэ пщ1ык1э
Бгъуэтынукъым насып.
Нэгъуэщ1ым и мылъку кьэбунэщ1к1э
Из хъунукъым уи жып.
Пщ1ам къыпэк1уэжыр адэ жыжьэу
Къыщожьэри къыщысщ.
Длэжьахэм дэ дащыхуэзэжым
Гупсысэр къыдбгъурысщ.
Щ1алэгъуэм дэ щыуагъэ тщ1ахэр
Жьы дохъури,долъагьуж.
Ди гъащ1эм ф1ыуэ дэ хэлъахэр
Гур хэхъуэу жыдо1эж.
Ц1ыхуит1ым я дунейр мы гъащ1эм
Тхщ1ынукъым дэ зэщхь.
Къыщ1эк1ми дэ ди гъащ1эр мащ1эу,
Ухуейми хуэщ1 уэ нэщхъ.
Дык1элъы1эбэми щыуагъэм
Дылъэ1эсын тлъэмык1.
Дгъэзэк1уэжыну къытпигъэт1ылъахэм
Дэ хъунукъым дыф1эк1.
Алыхьым къыдита ди гъащ1эр
Хэт щыуагъэншэу къигъэщ1а?
Нэгъуэщ1ым ейр долъагъу дып1ащ1эу,
Дыдейхэм нэф щхьэ дыхуищ1а?
Сентябрь,2020гъ
Хэт щыуагъэншэу гъащ1эр къигъэщ1а? на кабардинском
© Copyright: Кипова Лена, 2020
Свидетельство о публикации №120091601505
Свидетельство о публикации №120091601505
Рецензии