ККУККМИН МУКЬАМ
(Басня)
Дердлуб ву ккуккмин мукьам –
Дидин сеснак шулу гъам.
Гьаз гъапиш, Ккуккмиз адар
Я чан мукь, ясан дустар,
Я хъадар дидихъ бай-риш.
Гьаци шула яшамиш,
УбчIври жара жакьварин
Муртйир айи мукьариъ,
ГьитIибкIну мурта мукь’ан,
Душваъ мурта ипри чан:
Йишв-йигъ ничхрари гъяни,
Мурта апIури мани,
АдапIруси дид’ан чирккв;
Ва чиркквлиз, дарди инжик,
Мялхъвярна чIамччар, ппеппйир,
Елгнагар, ппазиппендйир
Туври, хьайизкьан аьхю,
Думу жакьвари уьбхюз.
… Амма, гъабхьиган аьхю,
Му чиркквлиз шулдар аьгъю,
Ккуккум дада вуйиб чан.
Гьаддиз Ккуккум ву пашман.
Уьмриъ даруган дугъри,
Гъузурдар вуди багъри.
Ккуккмин мукьам
© Copyright: Эльмира Ашурбекова, 2020
Свидетельство о публикации №120090400045
Свидетельство о публикации №120090400045
Рецензии